شدید تنقید کی زد میں!
پاکستان کی معروف ماڈل اور اداکارہ صحیفہ جبار خٹک ایک بار پھر اپنے منفرد انداز اور لباس کی وجہ سے خبروں کی زینت بن گئی ہیں۔ حال ہی میں لاہور میں منعقدہ ایک نجی تقریب میں اداکارہ نے اپنے نئے "پکسی ہیئر کٹ" (Pixie Haircut) اور مغربی طرز کے لباس کے ساتھ شرکت کی، جس کی تصاویر سوشل میڈیا پر وائرل ہوتے ہی تنقید کا ایک طوفان کھڑا ہو گیا ہے۔
صحیفہ جبار نے اس تقریب کے لیے سفید رنگ کی شرٹ اور سیاہ رنگ کا منی اسکرٹ زیب تن کیا تھا۔ اس کے ساتھ ہی ان کے انتہائی چھوٹے بال صارفین کی توجہ کا خاص مرکز رہے۔ جہاں کچھ مداحوں نے ان کے اس ہمت بھرے اسٹائل کو سراہا، وہی صارفین کی بڑی تعداد نے اسے "ثقافتی اقدار کے منافی" قرار دیا۔
سوشل میڈیا صارفین نے اداکارہ کو سخت تنقید کا نشانہ بناتے ہوئے کہا کہ "شوبز شخصیات شہرت کے لیے کسی بھی حد تک جانے کو تیار ہیں۔" کچھ صارفین نے لکھا کہ "بہت افسوس کی بات ہے کہ ان لوگوں کی کوئی حد نہیں ہے اور نہ ہی کوئی انہیں روکنے والا ہے۔" مشہور اداکار اور میزبان عادی عدیل نے بھی اس پر تبصرہ کرتے ہوئے اسے "فوٹیج لینے کا طریقہ" قرار دیا، جس کے بعد انٹرنیٹ پر ایک نئی بحث چھڑ گئی۔
تنقید کے جواب میں صحیفہ جبار نے اپنے انسٹاگرام پر ایک ویڈیو شیئر کی جس میں وہ اپنے چھوٹے بالوں کے ساتھ کافی پراعتماد نظر آئیں۔ انہوں نے کیپشن میں لکھا کہ "9 سال بعد میں نے دوبارہ اپنے پرانے اور بے باک روپ (Baddie Me) کا انتخاب کیا ہے۔" انہوں نے طنزیہ انداز میں ان لوگوں کو بھی جواب دیا جو خواتین کے حقوق کے تحفظ کے نام پر دوسروں کو جج کرتے ہیں۔
